Hormatly raýatlar!Türkmenistanyň raýatynyň Türkmenistandan gitmek we Türkmenistana gelmek üçin pasportyny almak (çalşyrmak) üçin talap edilýän resminamalaryň Sanawyna üýtgetmeler we goşmaçalar girizildi! Täze Sanawy Türkmenistanyň Döwlet migrasiýa gullugynyň resmi internet (www.migration.gov.tm) sahypasyndan öwrenip bilersiňiz!
2023-nji ýylyň 23-nji maýynda Türkmenistanyň Döwlet migrasiýa gullugynda Migrasiýa boýunça halkara guramasynyň (IOM) baş hünärmeni bilen iş duşuşyk geçirildi.
Duşuşygyň dowamynda taraplar ýurdumyzyň Migrasiýa boýunça halkara guramasy bilen alyp barýan gatnaşyklarynyň geljegi we mümkinçilikleri barada pikir alşyp, olaryň ileri tutulýan ugurlaryny ara alyp maslahatlaşdylar. Şeýle hem duşuşygyň barşynda migrasiýany utgaşdyrmak, serhetleri saglygy goraýyş meseleler bilen integrirlenen esasda dolandyrmak hem-de adatdan daşary ýagdaýlaryň migrasiýa täsirini peseltmek boýunça taslamalary amala aşyrmagyň mümkinçilikleri ýaly meseleler boýunça pikir alşyldy.
Duşuşygyň ahyrynda taraplar Türkmenistanyň Migrasiýa boýunça halkara guramasy bilen netijeli hyzmatdaşlygynyň barha giňeldilýändigini belläp, migrasiýa babatdaky gatnaşyklaryň mundan beýläk-de pugtalandyryljakdygyna uly ynam bildirdiler.
Onlaýn Hyzmatlar
Türkmenistanyň raýatlary
Daşary ýurt raýatlary
Kanunçylyk